मुंबई-गोवा महामार्गावर दोन भीषण अपघात, 13 ठार, 24 जखमी


मुंबई : मुंबई-गोवा महामार्गावर कार आणि ट्रक यांच्यात भीषण अपघात झाला आहे. या अपघातात नऊ जणांचा मृत्यू झाल्याची माहिती समोर आली असून त्यापैकी चार महिला आहेत. पहाटे पाचच्या सुमारास हा अपघात झाला. रायगडमधील माणगाव येथील रोपली गावात हा अपघात झाला. ट्रक आणि कारच्या समोरासमोर झालेल्या धडकेत कारचा पूर्ण चक्काचूर झाला. यापूर्वीही मुंबई-गोवा महामार्गावर असे अपघात घडले आहेत. दरम्यान, या अपघातात एक ४ वर्षांचा मुलगाही गंभीर जखमी झाला आहे.

मुंबई-गोवा महामार्गावर आणखी एका अपघातात चार जणांचा मृत्यू झाला असून २३ जण जखमी झाले आहेत. मुंबई-गोवा महामार्गावर कणकवलीजवळ एका खासगी बसला अपघात झाला. चालकाचे बसवरील नियंत्रण सुटल्याने हा अपघात झाला. ही बस मुंबईहून गोव्याला जात होती, त्यात ३६ प्रवासी होते.

महाराष्ट्रातील नाशिक-शिर्डी महामार्गावर गेल्या आठवड्यात शुक्रवारी असाच एक भीषण रस्ता अपघात झाला. ज्यामध्ये १० प्रवाशांचा मृत्यू झाला होता. तर ६ जण गंभीर जखमी झाले होते. हे सर्व लोक लक्झरी बसमध्ये दर्शनासाठी जात होते, बसमध्ये ५० प्रवासी होते मात्र सिन्नर-शिर्डी महामार्गावरील पाथेर गावाजवळ बस आणि ट्रकची समोरासमोर धडक झाल्याने हा भीषण अपघात झाला.

धडक इतकी जोरदार होती की बस आणि ट्रकचे मोठे नुकसान झाले. या दुर्घटनेवर शोक व्यक्त करत मुख्यमंत्री एकनाथ शिंदे यांनी मृतांच्या कुटुंबीयांना प्रत्येकी पाच लाख रुपयांची आर्थिक मदत जाहीर केली आहे. याशिवाय या भीषण रस्ता अपघाताच्या चौकशीचे आदेशही मुख्यमंत्र्यांनी दिले होते.

सिंधुदुर्ग वार्ताचा व्हॉट्सअप ग्रूप जॉईन करण्यासाठी येथे क्लिक करा