भीषण अपघात! कंटेनर थेट हॉटेलमध्ये घुसला, 5 जणांचा जागीच मृत्यू

धुळ्यातील मुंबई-आग्रा महामार्गावर भीषण अपघात घडला आहे. या अपघातात कंटेनर थेट हॉटेलमध्ये घुसला. मध्य प्रदेश सीमेवरील शिरपूरमधील पळासणेर येथे हा अपघात झाला. या अपघातात पाच जणांचा जागीच मृत्यू झाला. तर 15 ते 20 जण गंभीर जखमी आहेत. त्यांच्यावर जवळच्या रुग्णालयात उपचार सुरू आहेत.

मिळालेल्या माहितीनुसार, मध्य प्रदेश राज्याच्या सीमेवर असलेल्या शिरपूर तालुक्यातील पळासनेर येथे भीषण अपघात झाला आहे. चालकाचा ताबा सुटल्यामुळे हा अपघात झाला. अपघातात कंटेनरने अनेकांना चिरडले. यामध्ये पाच जणांचा मृत्यू झाला असून 15 ते 20 जण जखमी झाले आहेत.