कोकणवासियांसाठी खूशखबर! सिंधुदुर्ग ते बंगळुरू विमान सेवा झाली सुरू

सिंधुदुर्ग विमानतळावरून “प्लाय् 91” विमानकंपनीची सिंधुदुर्ग ते बंगळुरू सेवा आजपासून सुरु झाली. 75 सीट असलेल पहिल विमान आज सोमवारी 1.15 मिनिटांनी सुटले.सिंधुदुर्ग विमानतळावरून फ्लाय 91 हि विमान कंपनीने पहिल्या टप्यात हैद्राबाद व बंगळूरू अशी सेवा सुरु करत आहे. या विमान कंपनीला नागरी विमान वाहतूक महासंचालनालयाने नुकतीच प्रवाशी वाहतूकीची परवानगी दिली आहे.

2 मार्च रोजी गोवा येथील मनोहर आंतरराष्ट्रीय विमानतळा वरुण बंगळूर कडे विमावाने उड्डाण करून शुभारंभ केला आहे. व्यवसायीक उड्डाण साठी जी, परवानगी आवश्यक असते ती कंपनीला एप्रिल 2023 मध्येच मिळाली आहे.नवीन विमान कंपनी हि मूळची गोव्यातील आहे. कंपनीने परवानगी च्या सर्व परिक्षा दिल्या आहेत व पूर्ण केल्या आहेत. शासनाच्या उडाण योजनेत काही मार्ग निश्चित करण्यात आले आहेत. यात महाराष्ट्रातील जळगाव, नांदेड, सह सिंधुदुर्गचाही समावेश आहे. त्यामुळे आज पासून सिंधदुर्ग विमानतळावरुन सेवा सुरू झाली आहे.

तसेच हि कंपनी पर्यटकांसाठीही विशेष विमानसेवा चालवणार असल्याचे अधिकाऱ्यांनी सांगितले. अशाच प्रकारे विमान कंपनीची नियमित सिंधुदुर्ग विमानतळावरून सेवा सुरू झाल्यानंतर या विमानतळाचे महत्त्व अजून वाढणार आहे.

सिंधुदुर्ग ते बंगळुरू प्रवास करा फक्त 1991/- रुपयात bharat unbond या अंतर्गत कनेक्टिंग बंगळुरू गोवा हैद्राबाद सिंधुदुर्ग अशी टॅग लाईन या विमान कंपनीने केली आहे. दरम्यान गेले काही महिने सिंधुदुर्ग विमानतळावरून चांगली विमान सेवा मिळत नाही या कारणाने प्रवाशांची नाराजी होती. मात्र या नव्या कंपनीच्या विमानसेवेमुळे पुन्हा एकदा प्रवासी या विमानतळाशी जोडले जाणार आहेत. आजच्या या उद्घाटन वेळी प्रकाश राणे, बाळा राऊळ, उपसरपंच संजय दुधवडकर, राणे, करलकर, आदी उपस्थित होते.