IND vs PAK: भारताने पाकिस्तानचा 228 धावांनी केला पराभव


आशिया चषक 2023 (Asia Cup 2023) सुपर-4 मध्ये भारत आणि पाकिस्तान (IND vs PAK) यांच्यातील सामना कोलंबोच्या आर प्रेमदासा स्टेडियमवर खेळवला गेला. या सामन्यात भारतीय संघाने 50 षटकात 2 गडी गमावून 356 धावा केल्या आहेत. या सामन्यात किंग कोहली 122 धावा करून नाबाद परतला आणि केएल राहुल 111 धावा करून नाबाद परतला.

या सामन्यात पाकिस्तान संघाने नाणेफेक जिंकली आहे. कर्णधार बाबर आझमने नाणेफेक जिंकून प्रथम गोलंदाजी करण्याचा निर्णय घेतला. 357 धावांच्या लक्ष्याचा पाठलाग करण्यासाठी मैदानात उतरलेला पाकिस्तान संघ पूर्णपणे अपयशी ठरला. भारताने हा सामना 228 धावांनी जिंकला. भारताकडून कुलदीप यादवने 5 बळी घेतले. भारतीय गोलंदाजांनी चमकदार कामगिरी करत पाकिस्तान संघाचा डाव केवळ 128 धावांवर आटोपला.

या सामन्यात लक्ष्याचा पाठलाग करण्यासाठी पाकिस्तानचा संघ आला तेव्हा त्यांची सुरुवात चांगली झाली नाही. संघाला पहिला धक्का पाचव्या षटकात 17 धावांवर इमाम उल हकच्या रूपाने बसला. यानंतर पहिल्या 10 षटकात पाकिस्तान संघाने 1 गडी गमावून 43 धावा केल्या होत्या. 11व्या षटकात हार्दिक पंड्याने या सामन्यात पाकिस्तान संघाला सर्वात मोठा धक्का दिला आणि त्यांच्या एका शानदार इनस्विंग चेंडूवर त्यांचा कर्णधार बाबर आझमला बोल्ड केले. या सामन्यात 24 चेंडूंचा सामना केल्यानंतर बाबर केवळ 10 धावा करून पॅव्हेलियनमध्ये परतला.

या सामन्यात पाकिस्तानच्या डावाची 11 षटके पूर्ण झाल्यानंतर पावसामुळे पुन्हा एकदा खेळ थांबवावा लागला. जवळपास 30 मिनिटांनी सामना पुन्हा सुरू झाला तेव्हा शार्दुल ठाकूरने 47 धावांवर मोहम्मद रिझवानच्या रूपाने पाकिस्तानला तिसरा धक्का दिला. येथून या सामन्यात भारतीय संघाची पकड चांगलीच मजबूत झाली होती. भारतीय वेगवान गोलंदाजांनी शानदार सुरुवात केल्यानंतर फिरकीपटू कुलदीप यादवने जबाबदारी स्वीकारली आणि फखर जमानला 77 धावांवर बॉलिंग करून पाकिस्तानला चौथा धक्का दिला. यानंतर, पाकिस्तानी फलंदाज कुलदीपच्या फिरकीपुढे पूर्णपणे झुंजताना दिसले. 96 च्या धावसंख्येपर्यंत पाकिस्तानचा अर्धा संघ पॅव्हेलियनमध्ये परतला होता.

शादाब खान, इफ्तिखार अहमद आणि फहीम अश्रफ यांनाही फलंदाजीत चांगली कामगिरी करता आली नाही. 128 धावांवर पाकिस्तानने 8वी विकेट गमावली. नसीम शाह आणि हरिस रौफ फलंदाजीला न आल्याने सामनाही येथेच संपला. भारताच्या गोलंदाजीत कुलदीपने 5 तर हार्दिक, बुमराह आणि शार्दुलने प्रत्येकी 1 बळी घेतला.

कोहली आणि राहुलची दमदार फलंदाजी

या सामन्यात भारतीय संघाला प्रथम फलंदाजी करण्याची संधी मिळाली. 10 सप्टेंबरला पावसामुळे भारतीय संघाचा डाव थांबला तेव्हा 24.1 षटकात 2 गडी गमावून 147 धावा केल्या होत्या. यानंतर, राखीव दिवशी सामना सुरू होताच, विराट कोहली आणि केएल राहुलने दमदार फटकेबाजी केली.  या सामन्यात विराट कोहलीने आपल्या एकदिवसीय कारकिर्दीतील 47 वे शतक झळकावले आणि 122 धावांची नाबाद खेळी खेळली. त्याच वेळी, केएल राहुलनेही शतकासह 6 महिन्यांनंतर आंतरराष्ट्रीय क्रिकेटमध्ये पुनरागमन करत नाबाद 111 धावा केल्या आणि 50 षटकात 2 विकेट गमावून टीम इंडियाची धावसंख्या 356 धावांपर्यंत नेण्यात महत्त्वाची भूमिका बजावली.