सावंतवाडी तालुक्यात पावसाचा धुमाकूळ, नदी-नाले तुडुंब

राज्यात विविध ठिकाणी पावसाने धुमाकूळ घातला आहे. या पावसामुळं नदी, नाले दुथडी भरुन वाहत आहेत. कुडाळ, वैभववाडी, सावंतवाडी, वेंगुर्ले, दोडामार्गमध्ये मुसळधार पाऊस पडला. मुसळधार पावसामुळे भातशेतीचं मोठं नुकसान झालं आहे.

मुसळधार पावसानं कोकणाला अक्षरशः झोडपून काढलं. सावंतवाडी तालुक्यात पावसानं धुमाकूळ घातला. शिरशिंगे, बांदा, शेर्ले, वाफोली, विलवडे आदी गावांत नदी, नाले दुथडी भरुन वाहत आहेत.