HBD Rahul Dravid: राहुल द्रविडला भारतीय क्रिकेटची ‘वॉल’ का म्हटलं जातं? जाणून घ्या
भारतीय क्रिकेटच्या इतिहासात अनेक दिग्गज खेळाडूंनी जन्म घेतला (Rahul Dravid Birthday), त्यापैकी एक म्हणजे राहुल द्रविड. सध्या राहुल भारतीय क्रिकेट संघाचे मुख्य प्रशिक्षक आहेत. इंदूरमध्ये जन्मलेल्या राहुलने (Rahul Dravid Birth Place) आपल्या काळात भारताकडून खेळताना अनेक मोठे विक्रम केले आहेत, जे मोडणे खूप कठीण काम आहे. राहुल ११ जानेवारी म्हणजेच आज ५० वा वाढदिवस साजरा करत आहेत. जाणून घेऊया त्यांच्या आयुष्यातील काही रंजक गोष्टी.
द्रविडला भारताची ग्रेट वॉल म्हटले जाते हे सर्वांनाच माहीत आहे. परंतु, त्याचे आणखी मनोरंजक टोपणनाव आहे ते म्हणजे – जेमी. त्याचे वडील किसान या लोकप्रिय भारतीय जॅम मेकरसाठी काम करायचे. जेव्हा जेव्हा तो क्रिकेटच्या सरावासाठी निघायचा तेव्हा द्रविडची आई त्याला जामची बरणी द्यायची. त्यामुळे त्याचे सहकारी त्याला जेमी म्हणू लागले. नंतर द्रविडने किसान जामची जाहिरातही केली होती. द्रविडला क्रिकेटची बॅट पकडताना आपण पहिले आहे, पण क्रिकेटमध्ये येण्यापूर्वी द्रविड हॉकी स्टिक वापरायचा. क्रिकेटच्या जगात येण्यापूर्वी द्रविड हॉकी खेळला होता. त्याने ज्युनियर राज्य स्पर्धेत कर्नाटकचेही प्रतिनिधित्व केले होते.
5️⃣0️⃣9️⃣ intl. matches 👍
2️⃣4️⃣2️⃣0️⃣8️⃣ intl. runs 👌
4️⃣8️⃣ intl. centuries 💯Here’s wishing Rahul Dravid – former #TeamIndia captain and present Head Coach of India (Men’s team) – a very Happy Birthday 🎂 👏 pic.twitter.com/orViXUGWXN
— BCCI (@BCCI) January 11, 2023
राहुल द्रविड अतिशय शांतपणे आणि संयमी फलंदाजी करायचा. त्याची फलंदाजीची पद्धत सचिन तेंडुलकर, वीरेंद्र सेहवाग आणि महेंद्रसिंग धोनीपेक्षा पूर्णपणे वेगळी होती. द्रविड एकदा क्रीझवर सेट झाला की त्याला बाद करणे फार कठीण मानले जाते. ऑस्ट्रेलियाचा माजी कर्णधार स्टीव्ह वॉ म्हणाला होता की, पहिल्या १५ मिनिटांत द्रविडला बाहेर काढण्याचा प्रयत्न करा. जर असे झाले नाही तर उर्वरित १० खेळाडूंना बाहेर काढा. विकेटवर टिकून राहण्याच्या त्याच्या कलेमुळे तो भारतीय क्रिकेटची ‘वॉल’ म्हणून ओळखला जाऊ लागला.
राहुल द्रविडचे मोठे विक्रम
राहुल द्रविड कसोटी क्रिकेटमध्ये त्याच्या फलंदाजीसाठी ओळखला जात होता. त्यामुळेच कसोटी क्रिकेटमध्ये सर्वाधिक चेंडू खेळण्याचा विक्रम त्याच्या नावावर आहे. राहुलने १६ वर्षांच्या कारकिर्दीत एकूण ३१ हजार २५८ चेंडू खेळले आहेत. यादरम्यान त्याने एकूण ७३६ तास क्रीजवर गोलंदाजांचा सामना केला आहे.
कसोटी क्रिकेट खेळताना जगातील सर्व १० संघांविरुद्ध शतक ठोकण्याचा विक्रमही राहुल द्रविडच्या नावावर आहे. याशिवाय राहुलने १६४ कसोटी सामन्यांमध्ये २१०झेलही घेतले आहेत.
राहुल द्रविड कसोटी क्रिकेटमध्ये तिसऱ्या क्रमांकावर सर्वोत्तम फलंदाजी करायचा. राहुल द्रविड इतक्या कसोटी क्रिकेटमध्ये तिसऱ्या क्रमांकावर असलेल्या दुसऱ्या कोणत्याही फलंदाजाने धावा केल्या नाहीत. राहुल द्रविडने तिसऱ्या क्रमांकावर खेळताना कसोटी क्रिकेटमध्ये १०५२४ धावा केल्या आहेत. राहुल द्रविडसारख्या तिसऱ्या क्रमांकावर खेळताना इतर कोणत्याही फलंदाजाला इतक्या धावा करता आल्या नाहीत.
सचिन तेंडुलकरसोबत राहुल द्रविडने कसोटी क्रिकेटमध्ये २० शतकी भागीदारी केली आहे. सचिन तेंडुलकर आणि राहुल द्रविडने मिळून ६९२० धावा केल्या. या दोघांचा हा विक्रम आजपर्यंत कोणीही मोडू शकलेले नाही.
राहुल द्रविड हा एकमेव भारतीय क्रिकेटपटू आहे ज्याने सलग चार डावात चार शतके झळकावली आहेत. २००२ मध्ये त्याने ही कामगिरी केली होती. नॉटिंगहॅम, लीड्स आणि ओव्हल येथे इंग्लंडविरुद्ध अनुक्रमे ११५, १४८ आणि २१७ धावा आणि त्यानंतर मुंबई येथे वेस्ट इंडिजविरुद्ध नाबाद १०० धावा केल्या होत्या.
