55 वर्षीय वृद्ध व्यक्तीला 170 वर्षांची शिक्षा; नेमकं प्रकरण काय? वाचा
यूएस-युरोपियन न्यायालयांनी गुन्हेगारांना १००-२०० वर्षांच्या तुरुंगवासाची शिक्षा दिल्याच्या बातम्या तुम्ही वाचल्या असतील, पण भारतात असा प्रकार कधीच पाहिला नाही. देशात जास्तीत जास्त कारावास जन्मठेप मानला जातो, ज्याची श्रेणी १४ वर्षे ते जन्मठेपेपर्यंत असते. आता भारतातही न्यायालयाने एका आरोपीला १७० वर्षे तुरुंगात राहण्याची शिक्षा दिली आहे. मध्य प्रदेशातील सागर जिल्ह्यातील एका ५५ वर्षीय आरोपीला ही शिक्षा देण्यात आली असून, त्याच्यावर फसवणुकीचे ३४ गुन्हे दाखल आहेत. आरोपीला शिक्षा सुनावण्यासोबतच न्यायालयाने ३ लाख ४० हजार रुपयांचा दंडही ठोठावला आहे.
पोलिसांनी आरोपी नसीर मोहम्मद उर्फ नासीर राजपूत याला सागर जिल्हा न्यायालयात हजर केले होते. लोकांची फसवणूक केल्याप्रकरणी नसीरवर ३४ गुन्हे दाखल आहेत. या सर्व प्रकरणात न्यायालयाने त्याला आयपीसी कलम 420 अंतर्गत दोषी घोषित केले. यासोबतच प्रत्येक प्रकरणासाठी ५-५ वर्षांची शिक्षा सुनावण्यात आली आहे. यासोबतच प्रत्येक प्रकरणात 10 हजार रुपयांचा दंडही ठोठावण्यात आला आहे. जिल्हा न्यायालयाचे न्यायाधीश अब्दुल्ला अहमद म्हणाले की, ही सर्व शिक्षा एकामागून एक चालेल, म्हणजेच पहिली एक शिक्षा संपेल, त्यानंतर दुसऱ्या खटल्यातील शिक्षा सुरू होईल. यामुळे नासिरला ३४ प्रकरणांमध्ये एकूण १७० वर्षे ५ वर्षे तुरुंगवास भोगावा लागणार असून ३,४०,००० रुपयांचा दंड भरावा लागणार आहे. हा निर्णय चर्चेचा विषय बनला आहे.
नासीरने ३४ जणांची ७२ लाख रुपयांची फसवणूक केली
मुळात गुजरातमधील तापी जिल्ह्यातील नसीर याने सागर जिल्ह्यातील भैंसा गावातील ३४ लोकांची फसवणूक केली होती. कापड कारखाना सुरू करण्याच्या नावाखाली नसीरने या लोकांकडून एकूण ७२ लाख रुपयांची फसवणूक केली होती. यानंतर तो कुटुंबासह फरार झाला होता. त्याच्याविरुद्ध २०१९ मध्ये पोलिसांकडे तक्रार आली होती. तपासात तो कर्नाटकात पळून गेल्याचे निष्पन्न झाले. यानंतर सागर पोलिसांनी त्याला कर्नाटकातील कलबुर्गी परिसरातून अटक करून १९ डिसेंबर २०२० रोजी सागर येथे आणले. तेव्हापासून त्याच्यावर खटला सुरू होता.
