IND vs NZ : श्रेयस अय्यरच्या जागी आरसीबीच्या ‘या’ धडाकेबाज फलंदाजाला संघात स्थान
भारत आणि न्यूझीलंड (IND vs NZ ODI) यांच्यातील तीन एकदिवसीय सामन्यांची मालिका १८ जानेवारीपासून पहिल्या एकदिवसीय सामन्याने सुरू होईल. ही मालिका सुरू होण्याच्या एक दिवस आधी म्हणजे १७ जानेवारीला भारतीय संघ आणि चाहत्यांना मोठा धक्का बसला.संघाचा फलंदाज श्रेयस अय्यर दुखापतीमुळे या मालिकेतून बाहेर पडला आहे. त्याच्या जागी पहिल्यांदाच रजत पाटीदारला टीम इंडियात स्थान देण्यात आले आहे. अय्यरऐवजी भारतीय संघात स्थान मिळालेले रजत पाटीदार कोण आहेत हे जाणून घेऊया.
भारतीय संघ आणि न्यूझीलंड (IND vs NZ) यांच्यातील तीन सामन्यांच्या एकदिवसीय मालिकेपूर्वी श्रेयस अय्यर पाठीच्या दुखापतीमुळे मालिकेतून बाहेर पडला आहे. अशा परिस्थितीत त्याच्या जागी रजत पाटीदारला प्रथमच भारतीय संघात स्थान मिळाले आहे. रजत पाटीदार यांचा जन्म १ जून १९९३ रोजी इंदूरमध्ये झाला होता. रजत हा उजव्या हाताचा फलंदाज आहे, जो व्यापारी कुटुंबातील आहे.
UPDATE – Team India batter Shreyas Iyer has been ruled out of the upcoming 3-match ODI series against New Zealand due to a back injury.
Rajat Patidar has been named as his replacement.
More details here – https://t.co/87CTKpdFZ3 #INDvNZ pic.twitter.com/JPZ9dzNiB6
— BCCI (@BCCI) January 17, 2023
सुरुवातीला तो गोलंदाजी करायचा, पण अंडर-१५ क्रिकेट स्तरावर पोहोचल्यानंतर त्याने फलंदाजीवर लक्ष केंद्रित केले आणि काही वेळातच तो एक महान फलंदाज बनला. त्याने २०१५-१६ च्या रणजी ट्रॉफी सीझनने प्रथम श्रेणी क्रिकेट करिअरची सुरुवात केली. २०१७-१८च्या हंगामात त्याच्या देशांतर्गत टी-२० कारकिर्दीला सुरुवात झाली. प्रथमच त्याचा खरा धमाका २०१८-१९ च्या रणजी ट्रॉफी हंगामात दिसला जिथे त्याने बॅटने ८ सामन्यात ७१३ धावा केल्या आणि मध्य प्रदेश क्रिकेट संघासाठी सर्वाधिक धावा करणारा खेळाडू होता.
View this post on Instagram
IPL २०२१ मध्ये रॉयल चॅलेंजर्स बंगलोरने रजत पाटीदारला विकत घेतले होते. यानंतर, आयपीएल २०२२ च्या एलिमिनेटर सामन्यात, त्याने लखनऊ सुपर जायंट्स विरुद्ध ५४ चेंडूत नाबाद ११२ धावांचे धडाकेबाज शतक झळकावून सर्वांना चकित केले. आतापर्यंत आयपीएलमध्ये १२ सामने खेळताना त्याने १४४.२९ च्या स्ट्राईक रेटने ४०४ धावा केल्या आहेत.
