दुर्दैवी ! एकाच कुटुंबातील 3 मुलांचा विहिरीत बुडून मृत्यू

रायपूर : छत्तीसगडची राजधानी रायपूरमध्ये सोमवारी एक मोठी दुर्घटना घडली. एकाच कुटुंबातील तीन मुले विहिरीत पडून तिघांचाही मृत्यू झाला. हे प्रकरण जिल्ह्यातील आरंग पोलीस ठाण्याच्या हद्दीतील चारोडा गावातील आहे. येथे आठ वर्षांची मुलगी केसर साहू, केसरचा लहान भाऊ उल्लास साहू आणि चुलत भाऊ पायस साहू अशी तीन मुले विहिरीत पडली. या घटनेत तिन्ही मुलांचा मृत्यू झाला आहे.

अपघाताची माहिती मिळताच पोलीस घटनास्थळी पोहोचले. या प्रकरणाची माहिती देताना पोलीस अधिकाऱ्यांनी सांगितले की, मृतदेह पोस्टमॉर्टमसाठी रुग्णालयात पाठवण्यात आले आहेत.

पोलिस अधिकाऱ्यांनी सांगितले की, तीन मुले घराजवळील झाडावरून पेरू तोडत असल्याची माहिती पोलिसांना मिळाली. झाडाजवळ मोठी विहीर आहे, त्याच दरम्यान मुले विहिरीत पडली. उशिरापर्यंत मुले घरी न पोहोचल्याने नातेवाईकांनी त्यांचा शोध सुरू केला. विहिरीची जाळी व झाडाच्या फांद्या तुटल्याचे मुलांच्या आजीने पाहिल्यानंतर त्यांनी कुटुंबातील इतर सदस्यांना माहिती दिली.

त्यांनी सांगितले की, घटनेची माहिती मिळताच कुटुंबीय तेथे पोहोचले आणि मुलांना विहिरीतून बाहेर काढले. तोपर्यंत त्याचा मृत्यू झाला होता. पोलिस अधिकाऱ्यांनी सांगितले की, माहिती मिळताच पोलिसांचे पथक घटनास्थळी रवाना झाले. त्यानंतर पोलिसांच्या पथकाने मृतदेह शवविच्छेदनासाठी पाठवले. पेरू तोडण्यासाठी ही मुले झाडावर चढून फांदी तुटल्याने विहिरीत पडल्याची भीती त्यांनी व्यक्त केली. या घटनेत तिघांचा जागीच मृत्यू झाला. पोलिसांनी गुन्हा दाखल करून तपास सुरू केल्याचे पोलिस अधिकाऱ्यांनी सांगितले.