कोल्हापूरमधून धक्कादायक घटना; रिक्षाचालकाने महिलेला फरफटत नेलं


कोल्हापुरात एक विचित्र दुर्घटना घडली आहे. येथे एका महिलेची साडी रिक्षामध्ये अडकल्यामुळे ती महिला 100 मीटरपर्यंत रिक्षाच्या मागे फरफटतं गेली. यापूर्वीही याच रिक्षाचालकासोबत महिलेचा रिक्षा भाड्यावरून वाद झाला होता. सायबर चौक ते माऊली चौक दरम्यान काल दुपारी ही घटना घडली असून रिक्षाचालकाला स्थानिक नागरिकांनी बेदम मारहाण केली.

या संदर्भात राजारामपुरी पोलिस ठाण्यात रिक्षाचालकाविरुद्ध तक्रार दाखल करण्यात आली आहे. दरम्यान, या घटनेचे सीसीटीव्ही फुटेज समोर आल्यानंतर नागरिकांतून संताप व्यक्त होत आहे.