Buldhana Bus Accident: 25 जणांनी गमावला जीव, बस चालकाबद्दल धक्कादायक माहिती आली समोर

बुलढाणा बस दुर्घटनेत 25 जण जिवंत जळाले होते, त्या बसच्या चालकाबद्दल मोठा खुलासा समोर आला आहे. 1 जुलै रोजी समृद्धी एक्स्प्रेस वेवर नागपूरहून पुण्याला जाणाऱ्या बसला अपघात झाला होता. अपघात झालेल्या बसच्या चालकाच्या फॉरेन्सिक अहवालात अपघाताच्या वेळी बस चालक मद्यधुंद अवस्थेत असल्याची धक्कादायक माहिती समोर आली आहे.

रिजनल फॉरेन्सिक सायन्स लॅबोरेटरी (RFSL) अमरावतीच्या तपासणी अहवालानुसार, अपघाताच्या दिवशी चालक शेख दानिशच्या रक्ताच्या नमुन्यात अल्कोहोलचे प्रमाण 30 टक्क्यांच्या कायदेशीर मर्यादेपेक्षा जास्त होते. 1 जुलैच्या मध्यरात्री घडलेला बस अपघात समृद्धी महामार्गामुळे नसून चालकाच्या मद्यधुंद अवस्थेमुळे झाला असावा, असा संशय व्यक्त केला जात आहे. टायर फुटल्याने हा अपघात झाल्याची शक्यताही फॉरेन्सिक अहवालात तपासण्यात आली आहे. त्यासाठी टायर्सचे मार्क्स आणि नमुनेही तपासण्यात आले. मात्र, ही शक्यता फेटाळण्यात आली आहे.

अपघाताच्या वेळी चालक झोपेत होता, त्यामुळे बस दुभाजकावर आदळली आणि आग लागली, असे पुराव्यावरून समोर आले आहे. ड्रायव्हरचा रक्त अहवाल त्याला दोषी ठरवू शकतो. त्यामुळे त्याला 10 वर्षांपर्यंत तुरुंगवास आणि मोठा दंड होऊ शकतो.