कसोटी क्रिकेटमध्ये सर्वाधिक षटकार मारणारे ५ भारतीय खेळाडू

भारताविरुद्धच्या बॉर्डर-गावस्कर ट्रॉफीच्या पहिल्या कसोटीत एक डाव आणि १३२ धावांनी लाजिरवाणा पराभव झाल्यानंतर ऑस्ट्रेलियन संघात खळबळ उडाली आहे. भारत आणि ऑस्ट्रेलिया यांच्यातील दुसरी कसोटी १७ ते २१ फेब्रुवारी दरम्यान नवी दिल्लीतील अरुण जेटली स्टेडियमवर खेळली जाणार आहे आणि ऑस्ट्रेलियन संघ दिल्ली कसोटीसाठी त्यांच्या प्लेइंग इलेव्हनमध्ये काही मोठे बदलांसह उतरू शकतो. नागपुरात भारताने नाणेफेक गमावून प्रथम गोलंदाजी करण्याचा निर्णय घेत ऑस्ट्रेलियाला १७७ धावांत आटोपले. प्रत्युत्तरात भारताने पहिल्या डावात फलंदाजी करताना ४०० धावा केल्या आणि कांगारूंविरुद्ध पहिल्या डावाच्या जोरावर २२३ धावांची मोठी आघाडी घेतली. मात्र, पाहुण्या संघाची दुस-या डावात गडबड झाली आणि केवळ ९१ धावाच करू शकला आणि एक डाव आणि १३२ धावांनी त्यांचा लाजिरवाणा पराभव झाला.

या सामन्यात कर्णधार रोहित शर्माने दमदार कामगिरी आपलं शतक पूर्ण केलं. भारतीय क्रिकेट संघातून एकाहून एक भारतीय खेळाडूंचा उदय झाला आहे. ज्याने केवळ एकदिवसीय आणि टी-२० फॉरमॅटमध्येच नव्हे तर कसोटी क्रिकेटमध्येही आपली स्फोटक फलंदाजी सिद्ध केली आहे. तसे, कसोटी फॉरमॅटमध्ये फलंदाज अनेकदा संथ फलंदाजी करताना दिसतात. आज आम्ही अशाच ५ भारतीय खेळाडूंबद्दल सांगणार आहोत. ज्याने कसोटीचा फॉरमॅट रोमांचक करताना जास्तीत जास्त षटकार मारण्याचा पराक्रम केला आहे. जाणून घेऊया त्या पाच भारतीय खेळाडूंबद्दल…

भारतीय संघाचा माजी खेळाडू वीरेंद्र सेहवाग असाच एक खेळाडू आहे. ज्याला कसोटी क्रिकेटमध्ये खेळायला योग्य मानले जात नव्हते. कारण वीरू पहिल्या चेंडूपासून मोठा फटका मारण्याचा प्रयत्न करायचा. पण हळूहळू त्याने आपल्या खेळात सुधारणा दाखवत लांब डाव खेळायला सुरुवात केली. पण वीरेंद्र सेहवागने कसोटी क्रिकेटमध्ये षटकार मारण्यात कसूर केली नाही आणि या फॉरमॅटमध्येही त्याने आपला नैसर्गिक खेळ ठेवला. यामुळेच सर्वाधिक षटकार मारणाऱ्या भारतीय खेळाडूंच्या यादीत स्फोटक फलंदाज वीरेंद्र सेहवागचे नाव पहिल्या स्थानावर आहे. ९७ षटकार मारणारा तो पहिला खेळाडू आहे.

कसोटी क्रिकेटमध्ये सर्वाधिक षटकार मारणाऱ्या भारतीय खेळाडूंच्या यादीत भारताचा माजी कर्णधार एमएस धोनीचा समावेश आहे. धोनीने आपल्या फलंदाजीने चाहत्यांच्या हृदयात खास स्थान निर्माण केले आहे. सर्वाधिक षटकार ठोकणाऱ्या भारतीय खेळाडूंमध्ये महेंद्रसिंग धोनीचे नाव दुसऱ्या क्रमांकावर आहे. ज्यांच्या नावावर ७८ षटकार आहेत. त्याने ९९ कसोटी सामन्यांच्या ११४ डावांमध्ये हा पराक्रम केला आहे.

क्रिकेट जगताचा देव म्हटला जाणारा महान फलंदाज सचिन तेंडुलकरचे नाव या यादीत येऊ नये. असं होऊ शकत नाही. सचिन साधारणपणे मैदानावर सर्वाधिक चौकार मारण्यासाठी ओळखला जातो. पण त्याने कसोटी क्रिकेटमध्येही भरपूर षटकार मारले आहेत. सचिन सर्वाधिक षटकार मारणारा तिसरा भारतीय खेळाडू आहे. ज्याने २०० कसोटी सामन्यांच्या ३२९ डावांमध्ये ६९ षटकार मारले आहेत.

भारतीय संघाचा सध्याचा कर्णधार रोहित शर्मा मैदानावर मोठे षटकार मारण्यासाठी ओळखला जातो. हिटमॅनला त्याच्या डावात चौकारांपेक्षा जास्त षटकार मारायला आवडतात. त्यामुळेच कसोटी क्रिकेटमध्ये सर्वाधिक शतके ठोकणारा तो चौथा भारतीय खेळाडू ठरला आहे. हिटमॅन हा एक दिग्गज खेळाडू आहे ज्याने सर्वात कमी सामन्यांमध्ये ही कामगिरी केली आहे. रोहितने ४६ सामन्यांच्या ७८ डावांमध्ये ६६ षटकार मारले आहेत. या बाबतीत त्याने ऑस्ट्रेलियाचा सलामीवीर डेव्हिड वॉर्नरला मागे टाकले आहे. ज्यांच्या नावावर फक्त ६४ षटकार नोंदवले गेले आहेत.

भारताचे दिग्गज कपिल देव यांना विश्वचषकात टीम इंडियाची कमान घेण्याची संधी मिळाली, त्यांनी २५ जून १९८३ रोजी भारताला विश्वविजेते बनवले. वेस्ट इंडिजचा ४३ धावांनी पराभव करून भारताने पहिले क्रिकेट विश्वचषक जिंकले. ज्यामध्ये कपिल देवने कर्णधारपदासह बॅट आणि बॉलनेही चांगली कामगिरी केली. ते या यादीतील पाचवा खेळाडू आहेत. ज्याने कसोटी क्रिकेटमध्ये सर्वाधिक षटकार मारण्याचा पराक्रम केला आहे. कपिल देवने १३१ सामन्यांच्या १८४ डावांमध्ये ६१ षटकार मारले आहेत.